Ambasadori i SHBA-së në Prishtinë, Philip Kosnett, ka zhvilluar sot takime të ndara me kreun e AAK-së Ramush Haradinaj dhe ushtruesin e detyrës së kryetarit të PDK-së, Enver Hoxhaj.
Në një postim në Twitter, diplomati amerikan ka shkruar se ka inkurajuar Haradinajn dhe Hoxhajn të veprojnë në mënyrë konstruktive në opozitë, duke punuar së bashku me qeverinë për qëllime të përbashkëta dhe duke i vendosur nevojat e qytetarëve para politikave partiake.
“Kosova e para, politika e dyta”, ka shkruar diplomati amerikan, i cili sot gjatë ditës është takuar edhe me kryetarin e Lëvizjes Vetëvendosje, Albin Kurti./KP