Kryetari i Komisionit parlamentar për Ekonomi Ferat Shala gjatë takimit me drejtoreshën e Odës Ekonomike Gjermano-Kosovare (OEGJK) Nora Hasani tha se janë të hapur për çdo formë të bashkëpunimit në kuadër të fushës që bie mbi këtë komision.
Ndërsa, drejtoresha e Odës Ekonomike Gjermano-Kosovare, Nora Hasani tha se mirëpresin bashkëpunimin me këtë komision parlamentar. Ajo i ka dorëzuar në formë të shkruar Komisionit kërkesat dhe propozimet e kësaj Ode për shqyrtim nga deputetët.
“Kërkesat tona kanë në fokus hartimin e ligjeve për nxitjen e investimeve të huaja. Synimet tona janë që të tërheqim sa më shumë investime të huaja nga Gjermania”, tha ajo.
Hasani ka kërkuar edhe siguri ligjore për investitorët, duke ngritur çështjen e krijimit të Gjykatës Komerciale. Sipas saj, interesimi për të investuar në Kosovë është fusha e energjisë së ripërtërirë.
Ndërsa, Arten Bajrushi nga bordi i kësaj ode, tha se kërkesat e anëtarëve të tyre janë të shumta, mirëpo fokusi kryesor është ngritja e çështjes së mungesës së bordit të Komisionit të Pavarur për Miniera dhe Minerale, i cili vakum sipas tij ka shkaktuar pasoja te bizneset të cilat merren me këtë veprimtari.
Nënkryetarja e komisionit Jeta Statovci tha theksoi se kërkesat e tyre do të trajtohen edhe me anëtar të tjerë të komisionit. Gjatë ditës ky komision ka takuar edhe kryetarin e OEK-ut Berat Rukiqi dhe drejtorin ekzekutiv të Odës Ekonomike Amerikane në Kosovë, Arian Zeka./I.Shabani/KP