Finalja e Ligës së Kampionëve e sezonit 2017/18, ajo mes Real Madridit dhe Liverpoolit, i takoi gjigantit spanjoll, në të cilën ata triumfuan me rezultat 3:1.
Përveç humbjes, një nga momentet më dramatike që u përfol më së shumti, ishte edhe incidenti mes mbrojtësit Sergio Ramos dhe yllit të Liverpoolit Mohamed Salah. Pas një ndërhyrje jo të mirë, Ramos në minutën e 30’ e lëndoi egjiptianin, kështu duke e lënë të hendikepuar Liverpoolin.
Në konferencën e fundit për media, Jurgen Klopp u pyet rreth rastit kur Ramos e lëndon Salahun në finalen e sezonit 2017/18, duke u përgjigjur që nuk do të lejoj që ai moment të ndikoj në ekipin e tij.
“Pas asaj finaleje kam thënë që nëse dikush nga mediat më pyet një muaj më vonë, nëse do ta ftoja Sergio Ramosin në ditëlindjen e 60-të, përgjigja ime do të ishte jo. tha Klopp. Tani, ndoshta do ta mendoja atë gjë. Nuk është për arsye që ai është futbollist i madh, por siç e thashë nuk më ka pëlqyer ajo që ka ndodhur atë natë, për ne ishte një natë e çuditshme”, tha Klopp.
“Kjo ka ndodhur para shumë kohësh, kështu që nuk i kam emocionet e njëjta, nuk e kam nervozen, dhe nuk do provoj që të kem kësi lloj emocionesh. Do të provoj që ta përgatisë skuadrën time për ndeshjen e sotme, që të tregojmë se çfarë skuadre jemi ne”, shtoi trajneri gjerman.
Sot, Liverpooli do të kërkoj hakmarrje nga Reali për finalen e sezonit 2017/18, ku do të përballet në kuadër të fazës së çerekfinales në Ligën e Kampionëve, me fillim nga ora 21:00./KP