Komisioni për Legjislacion me gjashtë vota për ka konstatuar se kandidatët të nominuar për president plotësojnë kushtet në raport me dispozitat e Kushtetutës së Kosovës.
Kryetari i komisionit për Legjislacion, Adnan Rrustemi ka bërë të ditur se president mund të zgjedhet vetëm një shtetas i Kosovës që ka mbushur moshën 35 vjeçare.
Rrustemi: Kandidatët për president plotësojnë dispozitat kushtetuese
(Video)
“Kushtet e parapara e dispozitave të Kushtetutës së Kosovës, dhe Ligjin për Presidentin e Kosovës, për t’u zgjedhur president dhe Kuvendit të paraqet raportin: Neni 85 kualifikimi për zgjedhjen presidentit, përcakton se presidenti mund të zgjedhet një shtetas i Kosovës i cili e ka mbushur moshën 35 vjeçare. Neni 86 zgjedhja e presidentit dhe paragrafi 1 përcakton se presidenti i Kosovës zgjedhet me votim të fshehtë, paragrafi 2 përcakton se secili shtetas i Kosovës mund të nominohet për kandidat për president nëse ajo apo ai siguron nënshkrimin për të paktën 30 deputetë. Kushtet e parapara për zgjedhjen e presidentit me Ligjin për Zgjedhjen e Presidentit, neni 3 përcakton po ashtu se presidenti mund të zgjidhet vetëm shtetasi që ka pasur banim të përhershëm në Kosovë, për së paku 10 vjet”, ka njoftuar ai.
Në Komisionin për Legjislacion kanë marrë pjesë vetëm deputetët e shumicës. /Sh.Pajaziti/KP