Deputeti shqiptar në Parlamentin e Serbisë, Shaip Kamberi ka uruar Vjosa Osmanin për zgjedhjen e saj Presidente të Kosovës.
Kamberi ka përgëzuar kryeministrin, qeverinë dhe deputetët e Kuvendit të Kosovës për përmbylljen me sukses të themelimit të institucione të reja.
Ai shprehu respekt ndaj kryetarit të Lidhjes Demokratike të Kosovës (LDK), Lumir Abdixhiku për rolin e tij përcaktues në shmangien e zgjedhjeve të reja si dhe për shembullin e dhënë të një opozite shtendërtuese.
“Uroj Zonjën Vjosa Osmani-Sadriu për zgjedhjen e saj Presidente e Republikës së Kosovës. Përgëzoj Kryeministrin, Qeverinë dhe deputetët e Kuvendit të Republikës së Kosovës për përmbylljen me sukses të themelimit të institucioneve të reja. Respekt Lidhjes Demokratike të Kosovës, z.Lumir Abdixhiku, për rolin e tij përcaktues në shmangien e zgjedhjeve të reja dhe për shembullin e dhënë të një opozite shtetndërtuese. Besoj që Lugina e Preshevës do të jetë një nga prioritetet e institucioneve të Republikës së Kosovës, në funksion të dinamizimit të bashkërendimit me të zgjedhurit e Luginës së Preshevës, për zbatimin e një startegjie, plani dhe programi të përbashkët”, ka shkruar Kamberi. /KP