Ushtruesi i detyrës së kryetarit të PDK-së, Enver Hoxhaj, ka vlerësuar dhe përgëzuar kryeministrin Edi Rama për vaksinimin e mjekëve kosovarë.
Përmes një statusi në Facebook, Hoxhaj ka thënë se edhe njëherë u dëshmua në vepër solidariteti vëllazëror në një situatë të rënduar me pandeminë dhe veçmas për mantelbardhët që janë në vijën e parë të betejës me këtë sëmundje.
Ndërsa ka akuzuar Qeverinë e Kosovës, për dështim jo vetëm në menaxhimin e pandemisë por edhe në sigurimin e vaksinës.
Madje ka kërkuar të paktën një falënderim publik për Shqipërinë dhe kryeministrin Rama.
Ky është statusi i tij i plotë:
Një gjest jashtëzakonisht human dhe që duhet përgëzuar i kryeministrit Edi Rama për të vaksinuar mjekët e Kosovës gjatë ditës së sotme në Kukës. Edhe njëherë u dëshmua në vepër solidariteti vëllazëror në një situatë të rënduar me pandeminë dhe veçmas për mantelbardhët që janë në vijën e parë të betejës me këtë sëmundje.
Fatkeqësisht qeveria e Kosovës dështoi jo vetëm në menaxhimin e pandemisë por edhe në sigurimin e vaksinës. Të paktën, një falendërim publik për Shqipërinë dhe kryeministrin Rama nuk do të ishte i tepërt 🇽🇰🙌🇦🇱/KP