Kryeministri në detyrë, Avdullah Hoti ka bërë homazhe në kompleksin “Adem Jashari”, në Prekaz. Për 56 të rënët e kësaj familje, në 13 vjetorin e pavarësisë së Kosovës, ai tha se janë sakrifica më sublime qe mund të bëjë dikush për pavarësinë e vendit.
Hoti: Duke nderuar familjen Jashari, nderojmë pavarësinë e Kosovës
(Video)
“Sot bëm nderime këtu tek të rënët e familjes Jashari. Në këtë kompleks për të nderuar familjen Jashari për sakrificën më sublime, më të lartë që mund të bëjë dikush për pavarësinë e vendit. Duke nderuar këta ne nderojmë të gjithë të rënët për lirinë dhe pavarësinë e Kosovës”, tha Hoti.
Kryeministri në detyrë, Avdullah Hoti ishte i shoqëruar me bashkëpartiakët e tij të Lidhjes Demokratike të Kosovës. /Sh.Pajaziti//KosovaPress