Kandidati për postin e presidentit, Ramush Haradinaj në tubimin përmbyllës të fushatës së zgjedhjeve të parakohshme të 14 shkurtit nga Prishtina, tha se vota për Aleancën për Ardhmërinë e Kosovës dhe për të si president, është votë që të kryhen punët e Kosovës duke mos përfillur Serbinë.
Haradinaj i cili është edhe bartës i listës së AAK-së, tha se në zgjedhjet e 14 shkurtit do shënohet referendum për statusin ndërkombëtar të Kosovës dhe integrimin euroatlantik.
Haradinaj: Zgjedhjet 14 shkurtit referendum
Video
“Për dy ditë merret vendimi Kosova e merr vendimin të dielën me votë qytetarët do të votojnë edhe do vendosin dhe kemi thënë se këto zgjedhje janë edhe referendum e t’iu them të drejtën të drejtën janë edhe referendum. Janë referendum të paktën për dy tema me rëndësi, e para është statusi ynë ndërkombëtar ose fati ynë në integrimet euroatlantike. Ne jemi shpallur shtet i pavarur por ka 20 vite nga çlirimi që punojmë së bashku të gjithë ne edhe me faktorin ndërkombëtar që me e finalizuar shëndetësinë tonë dhe me qenë anëtar krenar i NATO-së, OKB-së dhe me u anëtarësua në BE. Tash kur janë bërë 20 vite dhe kur ende nuk jemi afër këtyre synimeve atëherë shtrohet pyetja se çka do bëjmë? A do presim edhe 20 vite? E këtë të diel vendosim se a kemi me prit edhe 20 vite apo kemi me kryer punë sa i përket statusit ndërkombëtar dhe anëtarësimit në integrimin tonë euro-atlantike”, theksoi Haradinaj.
Pretendenti për postin e presidentit tha se duke votuar Aleancës do votohet edhe për një president i cili do i kryej punët e Kosovës duke mos e përfillur Serbinë.
Ai edhe sot në përmbyllje të fushatës, premtoi bashkim me Shqipërinë nëse Kosova nuk anëtarësohet në BE, OKB dhe NATO deri në vitin 2025.
Haradinaj: Si president do i kryej punët e Kosovës duke mos e përfill Serbinë
Video
”Nëse votohet 135, Aleanca, votohem edhe unë për president i cili do i kryej punët e Kosovës duke mos e përfill Serbinë. Do shkojmë me logjikën e veprimeve që i kemi bërë në të kaluarën me ushtrinë, me Trepçën dhe pavarësimin energjetik. Kosova do ec përpara. Pse jam kaq i sigurt se do ecim përpara sepse nëse në vitin 2025 nuk jemi anëtar I OKB-së, anëtar i NATO-së dhe nuk jemi në përparim të integrimit apo të anëtarësimit në BE, unë do punoj që me votë bashkë të vendosim për union me Shqipërinë. Nëse ky drejtim I yni nuk i pëlqen Vuçiqit dhe nëse ai frikësohet nga ky drejtim, atëherë unë në emrin tuaj përgjigjen ia dhe largohu nga rruga e Kosovës lejoj Kosovën me ec rrugës së vetë, pra rrugës së anëtarësimit në arenën ndërkombëtare njohe Kosovën që të jetojmë në paqe. Nëse jo populli i Kosovës do ecën vetë dhe nesër pra fjala është në 2025 shkojmë në unionin me Shqipërinë“ , u shpreh ai.
Ai tha se si shef i shtetit do ndihmojë dhe përkrahë qeverinë në punë të mira, por edhe do parandalojë gabimet që mund të jenë të dëmshme për Kosovën.
Haradinaj: Nëse votojmë 135 votojmë për president që do e ndihmoj qeverinë
Video
“Nëse votojmë për 135 votojmë për presidentin i cili do jetë aty me ndihmua qeverinë me përkrah qeverinë, me kalua projektligje ekonomike, me e përkrahë qeverinë në të gjitha punët që e presin por edhe me korrigjuar edhe me parandalua gabimet e qeverisë që munden me qenë të dëmshme për Kosovën. Iu siguroj që në rast të besimit tuaj unë do mundem me përkrahë qeverinë dhe do mundem edhe me korrigjua dhe parandaluar gabimet që mund të jenë të dëmshme për demokracinë tonë“, deklaroi Haradinaj.
Në këtë tubim të fundit, u prezantuan edhe kandidatët për deputetë nga Aleanca për Ardhmërinë e Kosovës.
Qytetarët e Kosovës të dielën do të shprehin vullnetin e tyre me votë për të zgjedhur kryeministrin e ardhshëm. Kandidatë për kryeministër nga Lëvizja Vetëvendosje është Albin Kurti, nga Lidhje Demokratike e Kosovës, Avdullah Hoti dhe nga Partia Demokratike e Kosovës, Enver Hoxhaj./B.Ibishi/ KosovaPress