Në kuadër të shënimit të përvjetorit të pavarësisë së 13-të të shtetit të Republikës së Kosovës sot është hapur “Java e produkteve vendore” ne Elkos Group.
Pronari i Elkos Group, Ramiz Kelmendi theksoi se kompania e tij së bashku me asociacionet e tjera ekonomike janë në vazhdimësi duke organizuar “Javën e prodhimeve vendore” në hapësirat Elkos në kuadër të shënimit të shpalljes së pavarësisë së Kosovës.
Kelmendi: “Java…” shton konsumin e prodhimeve vendore
Video
“ETC dhe Elkos sa herë po organizojnë këtë ‘Javë…’, konsumi dhe përdorimi i artikujve po shtohet në mënyrë rapide dhe ka shumë shembuj që po tregojnë rezultate të këtij manifestimi. Elkos dhe ekipi i saj për bashkëpunim të ndërsjellë me prodhuesit janë të motivuar dhe të angazhuar që ky bashkëpunim të jep rezultate”, tha Kelmendi.
Ish-zëvendëskryeministri Kelmendi ka treguar edhe statistikat e konsumit të produkteve vendore, derisa tha se Kosova ka kapacitete të prodhimit vendor mbi 70 përqind, por që shkalla e përdorimit dhe konsumit është ende në nivel të ulët.
Kelmendi: Kosova ka kapacitet të prodhimit vendor mbi 70%
Video
“Kosova ka kapacitete të prodhimit vendor mbi 70 përqind, por që shkalla e përdorimit dhe konsumit është ende në nivel të ulët. Keq qëndrojmë me prodhimin e mishit të freskët, të gjedhit dhe të pulës, ndërsa mirë qëndrojmë me industrinë e përpunimit të tyre”, tha ai.
Në këtë lloj panairi, u tha se në Elkos dhe ETC numri i artikujve është rreth 50 mijë, ku prej tyre 10 mijë janë prodhime vendore. /I. Shabani/KosovaPress