Shefi i Grupit Parlamentar të Lidhjes Demokratike të Kosovës, Arben Gashi ka deklaruar se sonte u synua që të tentohet demokracia me arrogancën e numrave dhe shantazhit. Ai ka bërë te ditur që nuk do të marrin pjesë në sallë pa u tërhequr ky ligj.
Ai pas përfundimit të seancës, ka thënë para mediave tha se askund më botë nuk ndodhë që rregullat bazike të garës të vendosën njëanshëm.
Gashi: U cenua demokracia, VV e kryeministri i saj kërcënuan deputetët dhe qytetarët
“U synua qe të cenohet demokracia. Lëvizja Vetëvendosje dhe kryeministri i saj tentoi sonte që të kërcënoj secilin deputet të Kosovës dhe qytetarë të Kosovës për të imponuar mendësinë e tij totalitare. Pra ne sonte e patëm një seancë e cila u thirr në orët e vona të natë s për të imponuar kërcënimin dhe ligjin por ne jemi këtu për të mbrojtur rendin dhe ligjin. Nuk ka ndodhur asnjëherë në asnjë vend demokratike që rregullat bazike të garës të ndryshohen në mënyrë të njëanshme”, është shprehur Gashi pas seancës së Kuvendit.
Gashi edhe një herë ka përsëritur që nuk do të marrin pjesë në votimin e presidentit pa u tërhequr ky ligj.
Mes tjerash ai shtoi se LDK nuk jep ultimatume.
Gashi: Nuk marrim pjesë në seancë, nuk japim as ultimatume
“Ne nuk do të marrim pjesë në seancë pa u tërhequr ligji. Ne nuk japim ultimatume, është në vullnetin e tyre ata kanë për detyrë që të formojnë institucionet ata duan me u sjellë në mënyrë shantazhuese, ne kemi qenë konstruktiv, kemi thënë që do të marrim pjesë në seancë dhe kemi ofruar gatishmërinë tonë për me zgjedh zgjidhje por nuk duan zgjidhje, atëherë është në autoritetin e tyre ajo se çka duan ata të veprojnë[…]Një parti serioze si LDK është gjithmonë e gatshme për zgjedhje” tha mes tjerash Gashi. /KP