Në prag të shënimit të Epopesë së UÇK-së, Garda Kombëtare e FSK-së sot mbajti një marshim nga Galica deri në Kompleksin Memorial “Adem Jashari” në Prekaz, me gjatësi 13 km, duke nderuar heronjtë dhe dëshmorët e Lirisë.
Kryetari i Skenderajt Bekim Jashari së bashku me ushtarët e FSK-së bënë nderime te varrezat e heronjve dhe dëshmorëve të lirisë.
Postimi i plotë i Bekim Jashari në Facebook:
Në prag të shënimit të Epopesë së UÇK-së, emocione e krenari e jashtëzakonshme nga marshi që sot zhvilloi Garda Kombëtare e FSK-së, nga Galica deri në Kompleksin Memorial “Adem Jashari” në Prekaz, me gjatësi 13 km, duke nderuar heronjtë dhe dëshmorët e Lirisë.
Ushtarët tonë me kënaqësi i prita te kompleksi dhe bashkë bëmë nderime te varrezat e heronjve dhe dëshmorëve të Lirisë, në vendin e babës Shaban, komandantit legjendar Adem Jashari e babushit Hamzës, të cilët bashkë me familjen dhe gjithë popullin tonë nuk kursyen asgjë që ne sot të kemi këtë ushtri moderne, në mesin e ushtrive të botës, në shërbim të paqes globale.
Faleminderit Ushtria jonë!
<iframe src=”https://www.facebook.com/plugins/video.php?height=314&href=https://www.facebook.com/BekimHamezJashari/videos/493462665392384/&show_text=false&width=560″ width=”560″ height=”314″ style=”border:none;overflow:hidden” scrolling=”no” frameborder=”0″ allowfullscreen=”true” allow=”autoplay; clipboard-write; encrypted-media; picture-in-picture; web-share” allowFullScreen=”true”></iframe>/KosovaPress