Tre herë fituesi i Ligës së Evropës, trajneri Unai Emery do të përballet sot me ish-skuadrën e tij, ku në ndeshjen e parë të gjysmëfinales së këtij kompeticioni, Villarreali pret në shtëpi skuadrën e Arsenalit.
Për tu kualifikuar në gjysmëfinale, Villarreali mposhti me rezultat të përgjithshëm 3:1 skuadrën e Dinamo Zagrebit, kurse “Topçinjtë” eliminuan Slavia Pragën, ku brenda 180’ minutave, rezultati ishte 5:1, përcjell KosovaPress.
Në gjashtë ndeshjet e fundit në të gjitha garat, Villarreali ka tre fitore dhe tre humbje, ndërsa Arsenali ka regjistruar dy fitore, dy barazime dhe dy humbje.
Të dy skuadra thuajse janë të kompletuara, ku vetëm mesfushori i Villarrealit Vincente Iborra pritet të mungoj në këtë ndeshje.
Formacionet e mundshme të dy skuadrave i gjeni më poshtë.
Villarreal (4-4-2): Asenjo; Foyth, Albiol, Torres, Estupinan; Chukwueze, Parejo, Capoue, Trigueros; Moreno, Alcacer
Arsenal (4-2-3-1): Leno; Chambers, Holding, Gabriel, Xhaka; Partey, Ceballos; Saka, Odegaard, Pepe; Lacazette
21:00 Villarreal – Arsenal (Stadiumi La Ceramica)/KP