Një vetë aksident ka ndodhur mbrëmjen e sotme në rrugën Prishtinë-Fushë Kosovë, ku është përfshirë një motoçikletë.
Zëdhënësja e Policisë për rajonin e Prishtinës, Flora Ahmeti, ka bërë të ditur për KosovaPress se në këtë aksident kanë pësuar lëndime trupore dy persona.
“Sot rreth orës 20:10 në rrugën Prishtinë-Fushë Kosovë, ka ndodhë një aksident trafiku, ku është përfshirë një motoçikletë. Si pasojë e aksidentit dy persona kanë pësuar lëndime trupore dhe të njëjtit janë dërguar për trajtimin e nevojshëm mjekësor’, ka thënë ajo.
Policia ka dalë në vendin e ngjarjes dhe ka nisur një hetim për zbardhjen e shkaqeve të këtij vetëaksidenti./KP