Bitcoin po i afrohej me shpejtësi vlerës 50.000 dollarë sot pasi pasojat e investimit të Tesla të drejtuar nga Elon Musk në kriptovalutë ndikuan që investitorët të llogaritnin se mund të bëhej një klasë kryesore e aseteve për korporatat dhe menaxherët e parave.
Valuta digjitale më e popullarizuar ka fituar 1,150% nga nivelet e ulëta të marsit 2020, teksa u tregtua me disa qindra dollarë vetëm pesë vjet më parë.
Dje, Bitcoin kapërceu 20% pasi Tesla njoftoi se kishte një investim prej 1.5 miliard dollarë dhe se përfundimisht do të merrte valutën digjitale si pagesë për makinat e saj. Kjo ishte rritja më e madhe e saj ditore në më shumë se tre vjet.
Musk, një mbështetës i njohur i valutave digjitale, parashikon pranimin e monedhës si një pagesë për makinat Tesla dhe analistët mendojnë se ky është një ndryshim i madh pasi kompanitë dhe shtëpitë e mëdha të investimeve ndjekin tregtarët e vegjël në pasuri.
Çmimi i një bitcoin u ngjit në një kulm prej 48,216 dollarë – pothuajse sa për të blerë një nga automjetet më të shitura Tesla, Tesla Model Y SUV. Ethereum rivali i Bitcoin arriti një rekord të lartë të 1,784.85 dollarë të martën./KosovaPress