Zëvendëskryeministri i parë, Besnik Bislimi ka thënë për KosovaPress se është ne interes të të gjithëve që sa më parë të formohen të gjitha institucionet. Ai theksoi se opozita do të kuptojë vetë rrethanat e reja në të cilat do të punohet.
Bislimi: Kurti është i interesuar për konsensus bashkëshoqëror
“Në gjithë fjalimin e zotëri Kurtit nuk ka pasur asnjë fjali polarizuese. Në fakt ai ka ofrua gjithë kabinetin qeveritar për bashkëpunim me opozitën. Dhe ka treguar edhe pikat, ku është i interesuar për konsensus bashkëshoqëror. Besoj fuqishëm se opozita ka me kuptu rëndësinë e kësaj”, ka theksuar Bislimi.
Sa i përket zgjedhjes se presidentit, ai ka theksuar për KosovaPress se asnjë subjekt politik nuk ka gatishmëri për ta sfiduar procesin e zgjedhjeve të reja.
Bislimi:
“Tash do të presim derisa të zgjedhim zëvendësojmë deputetët qe kanë kaluar në qeveri. Unë besoj që asnjë subjekt nuk ka gatishmëri me sfidu procesin me zgjedhje të reja. Mendoj që është në interes të përgjithshëm që organet të konstituohen, kështu siç ka dalë vullneti i qytetarëve. Në vitin 2017, PAN ka pasur 39 deputetëve dhe tri pozita kryesore. Procedurat janë të qarta çdo kush qe siguron 30 nënshkrime është i aftë për të qenë kandidat. Vjosa Osmani i ka 30 nënshkrime. Kushdo që i bën 30 nënshkrime le të kandidon”, ka deklaruar ai për KosovaPress.