Pesë persona kanë mbetur të lënduar nga një aksident trafiku në Prishtinë.
Lajmin e ka konfirmuar për KosovaPress zëdhënësja e Policisë së Kosovës për rajonin e Prishtinës, Flora Ahmeti.
Në këtë aksident që ka ndodhur paraditen e së dielës janë përfshirë dy vetura.
Me rastin po merret njësiti i trafikut rrugor.
“Rreth orës 10:30, në udhëkryqin e rrugëve ‘Ukshin Hoti’-‘Robert Doll’ , në Prishtinë, ka ndodhur një aksident trafiku. Në këtë aksident kanë qenë të përfshira dy automjete. Bazuar në të dhënat fillestare nga vendi i ngjarjes, pesë persona kanë pësuar lëndime trupore. Me rastin po merret njësiti i trafikut rrugor./KP