Shumë e pa qartë dhe e paparashikueshme vazhdon të jetë lufta për titull në Superligën e Kosovës.
Tashmë kur janë zhvilluar 27 ndeshje të këtij edicioni, Drita, Ballkani dhe Prishtina janë tri skuadrat të cilat po luftojnë kokë më kokë për më të mirin e Kosovës në futboll, raporton KosovaPress.
Në xhiron e 27. Prishtina e ka mposhtur Ballkanin në Suharekë me rezultat minimal 1-0 me autogolin e Thaçit në minutën e 35 të ndeshjes.
Pas 27 ndeshjeve (duke përjashtuar ndeshjen e mbetur ndërmjet Besës dhe Gjilanit), është Drita ajo që e ruan vendin e parë me 58 pikë, e ndjekur nga Ballkani me 55 dhe Prishtina me 54.
Ja renditja e plotë:
Ekipi Pikët
Drita 58
Ballkani 55
Prishtina 54
Gjilani 37
Feronikeli 34
Llapi 33
Trepça 89’ 32
Drenica 30
Arbëria 27
Besa 10/KP